J'em lèfe comme tous les jours au matin. Ch'carillon vient d'sonner six heures, et malgré tout l'boucan qui fait, y'a qu'mi pis m'mère ed réveillées. Elle a fait du café, in aime bien ch'momint là pour parler, in a toudis quetcosse à s'dire, à raconter tout in touillant dins note tasse pindant des heures. Comme y fait fros, d'un cos elle dit:"J'armettro pas eune gaillette d'inche fu, quoqu' t'in pinses em file?",mi dit qu'ouais, cha s'rot bin passe qu'un indure es jacquette.
Au bout d'un momint, in comminche alors à s'récauffer, et in continue à s'raconter,( que des camanettes), quind soudain,y'a dins l'air comme in drôle ed sintimint. In s'ravisse toutes les deux,"Man, que j'dis, in dirot qu'cha pu l'fromache!"
El velle in avot fait un bon souper et comme y'avot pu d'plache dins ch'frigo, in avot mis ch'fromache dins four éteint. "T'auros-t-y pas oublié d'artirer ch'platio du four?"in va vire, in arsaque cha du four et là in voé qu'à l'plache du fromache ch'est plein d'guilures tout partout:du rouche, du vert,du caminbert touqué, tout mélingé, tout mollasse. Forchémint, in découvrant espectac in est tordues comme deux bochues!
Alors m'mère el dit:"Bah, m'file, ch'est mi rien, in va armette cha au frigidaire, cha va r'durchir ed d'main, in install'ra cha sus s'tartine"
Ch'est un texte ed Renée
Aucun commentaire:
Enregistrer un commentaire