Les gaufs ed nouvel an

 

    Arcette des gaufs ed nouvel an

500 g ed farine
250 g ed beurre
250 g ed  cassonate blonte

2 oeufs
eune pinchée d’sel

Faut qu’té mèches el farine dins un saladier pis  q’ té fèches un tro au miyieu.

Ed din té  rajoutes  ech beurre ramolli, el cassonate, chés oeufs et cor el sel.

Té patriques ben tout cha juchqu'à obténir eune päte qu’al est ben lisse.
Prépares cha del veille et laisse cha arposer al frèque
Et pis el lendemain, t’as fo qu’à faire les bielles et tiotes boules

Et après té cuis cha dins un gaufrier bin  co.

Si t’es veut les conserver :

Mais am’mote cha va pas faire long feu, t’es peux toudis les ringer dins eune bielle boîte in fer

Mais fais attintion ed pas confonte avec el boîte ed pèque

Cha pourrot leu donner un tiot goût d'pichon

Et té t'pourlèqueras pas tros heures ed long !

Jé n'sais pu...

...Du qu'ch'est qu'j'ai mis l'recette ed ché gauffes?

L'aute coup,j'ai l'avot pourtint bin d'mindée

J'étot même tout contint qu'al mé l'avot donnée

Elle est rudemint camuchée

Je l'ai trop bin ringée 

Bah, enne braie pas surtout 

J'té promet que j'vas cacher après... 

 

Man qu'ch'est bio!!!

Ouais alors, quek'part

In 'sait pas précisémint où

Là, din inne ed ces chaumières

Y'a des gins qui font del résisstince...

Y accoutent ché vos du ciel,

du vint * et d'el tierre

Qui leu diss':

"T'accatras pa d'gâtios industriels,

Va quer cheule recette din l'grimoire

Et fais zin eune bonne palanquée"

Y continutent donc à faire des gauffs

Al nouvelle année!!!"

Niffe un peu, cha sint d'ichi.

*Des fos ché l'vos du vin!

Quek'qu part...

By Jean-Louis "The big deaguinganded"

...In a pas fait d'gauffs

Ché vrai qu' ch'est pu trop la mote ed n'in faire

Mais ché fort dommache ch' taffaire là...

Passe que, té sais, ché rudemint bon

Heureusemint, ch' j'té dis cha, ch'est intre nous

Mi j'connos des gins qui continutent cor cheule tradition

Rien qu'pour vir leu zéfants et ptits zéfants es pourléquer.

Y font l'pâte d'el velle,pour el cuire el lendmint

Y z'ont toute sorte d'appareillache.

Quind t'as del chance d'ête là l'jour J

T'es peux même maquer el trop plein

Qui guille su les bords d'euch moule

Les gauffs au beurre, ch'est bon à sin coeur

T'es peux m'croire fiu, un vrai bonheur!!!

J'a pas l'habitute ed raconter des carabistoules

Pareillemint...

Eh tizote...

Si j'comprind ben, cro qu'ch'est l'heure ed souhaiter

Eune bonne année à tertous

Alors qu'elle vous soit el pusse meilleure possippe

Pis cor boenne année à tout ch'ti qui ravisera