Eul suite, el vlo

Euch lendemain, kin tout il est prêt pour r'lancer eul'fabrication, ch'telephone y sonne: c'est ch'pere fouettard: -bon! on vo l'faire insimble cte liste eud vilains garnements..... et pis j'viendrai t'aider al' fabrication -cheu s'rait un minimum après tous ché conneries qu'tas fait! qui lui repond ch'père naoël mécontent -cha fait plusieurs années que j'te dis qu't'es trop gintil avec che vilains morpions mais t'écoute jamouais -bon! cha va hein ….on t'attend Eul mère naoël qui a tout intindu ajoute -j'vo faire euch'l'arbitre car j'crouais qu'vous allez incore vous diputationner, vous n'etes jamouais daccord! -ché normal dit euch'marygroette! papa naoël est tro gintil et ch'pere fouettard tro severe -to raison marygroette s'ils pouvaient avoir eu't'sagesse, on nen s'rait po lo qu'elle répond tindremint ch'mere naoël tout l'monde s'actife pindint eune semaine pour rattraper ch'timps perdu tout s'passe bien et eul'fabrication d'jouets r'prend normalement comme tout ché ins mais personne, po meme ché lutins ne savent qui ch’est qu’ ché les infints dont euch' nom i doit po apparaitre sur eul'fameuse liste.... et aussi combien qui y en aura... eul' liste elle s'ra telle plus longue qu'ché autres annees???? to trouvé qui que ché ti?

Vraimint y'étot temps d'mette el suite, in y croyot mi pu .In tout cas in grind merci a cheul Poulette pou s'êtes déménée à ponte inne histoère eud naouël...inne grosse baisse à ti :*)

Cha fout les boules ét n'histoire!

Faut tout armette in plache

-    Qu'est-che qui che s'passe?

 Oh! Nom d'un ptiot lutin! dit cheule vieille dam, in voeyant ch'bazar... 

 

-Qu'est-ce qu'on va bin-ti faire?

 

-Ah ben, on vo dabord tout ringer.

 Insuite, on réparera ché machines et on fera le boulot euch jour pis euch nuit.

 

-Mais on n'y arrivera jamouais! s'exclame fille lutin Marygroette.

 

-Mère Naoël a raison! lutin Marygroette, vo quaire ché rennes et ché elfes!

 et hop tou ch'monde au boulot ! ordonne euch' pere naoël.

 

-Il o fallu tout eune journee et toute eune nuit pour ringer ch'l'atelier eud jouets,

Marygroette, reine deuch' l'organisation fait trouais groupes:

 

1) D'un côté, ché elfes pour trier ché  jouets et récuperationer ceux qui zétouaient point réparables,

 

2) Pis de l'autre, ché lutins pour eur r'mettre in bon état ché machine.

 

3) Et infin, Père Naoël et Mère Naouël pour décider eud ché jouets à donner à chaque môme…

 

 

Guirlottes

L'suite ed l'histoire mes gins

-J’ai apporté queul’moitié d’chés jouets qui demaindaient….

et pîs, t’oblies qu’tous ceux qui zont pas u d’cado,

comme euch’gamin qu’avouait volé ché vinte euros a’s’mère.

 

-Laisse mi plutot t’parler deuch’Lélé qui aidait toujours

eus’mère qui travaillouait tard.

 Il y avait aussi Svan qu’etouait bin sageà ch’l’école et qui faiasouait

très seriousement ses d’voirs (oh oh oh)

 

-N’essai pas d’chinger d’sujet.. ! on avouait dit pas de minsonges ,

pas d’gra mots, pas d’caprices et pas de  désobeissances…

tu veux rien de rien comprindre ?

 

 Ch’pere fouettardil atouait rouge eud’colere

 

 Che lutins i l’ont jamais vu aussi enervationné qu’cheu.

I prin violemment sin fouet et s’met a casser tous ches jouets deja fini !!!

Puis c’est ch’tour eud toutes ché machines et eud’tous chés outils

qui servtent a fabriqué ché jouets…

 

-Arrete, arrete qui suplie ch’père naoËl.

 

-Comme cheu,  parsonns il ora des jouets !

 ni ché mechints ni ché gintils ! pas eud d’jalous !

dit ch’père fouettarden sin allant…

 

-Qué maleur !qui s’laminte euch viel homme in rouge.

 

Ché lutins i savent pa quouai faire : ils sont tous casatstrophés…

tous ché jouets i sont cassés et i zorant jamai ch’timps d’en refaire des autres.

 

Mere naoel, mera naoeeeeel , quil apelle euch’pere naoel…..

 

 

Boule ed neiche

Fouettard VS Naouel

"j'n'ai marre!!! crie ch'père fouettard.

In vieillissint, tu d'viens trop cooool;

 i o d' moins en moins d'momes sur eu t'liste....

Pourtant, y o toujours autant d'sales gosses!

 

-Ecoute, qui lui dis ch'père naoel.....che timps y ont chingés,

et ché gosses y sont bocout'plus sages et gintils.

 

-Ah!ah!ah!  ricane ch'l'homme avec euch fouet!

 Tu plaisantes ou kouais...sur eut'liste eud l'an darnière,

 t'as po mi ch'nom deuch'gamin qu'avouait minti à ses parints

 en accusant ch't'chiotte soeur d'avoir broyé ch'verre in verre.

 

-Oui  mais chétais seulement eun t'chiot minsonge,

et puis eus'soeur, elle o eu un jouet eud'plus que'd'lui!!!

 

-Et ch'tchiotte fille qu'arretouait po d'repondre avec 

des gra mots a s'mère et qui disouait toujours pleins de gra mots?

sin parler d'sin ferot qu'obeissouait jamais à ché  parents

et in plus qu'il etouait caprichieux! Pourquoué qu'leurs noms y s'apparaissouaient po sur eut liste????

?

 

D'hiver

Père Naoel ou Père Fouettard?

On est ach'pole nord, din l'maison deuch père Naoel.

Ché ch'mois d'novembe et ché p'tits lutins, y se r'mue

le cul par chintaines à l'usination d'ché jouets.

Ché machines y tourntent et ché lutins y courtent

dins tous ché sens.

Naoel il approche et ch'boulot est énorme.

D'un seul keu, malgré ch'bruit eud'toutes chés activités,

on intind des cris......ché sin doute eune dispute.

Quind ils réalisent que ch'père Fouettard il est

viendu rende eune visite ach père Noel,

chés lutins y sont tout silencieux

et ils se r'gardent avec eud l'inquiétude.

Ch'vieux bonhomme avec des habits rouges

est sur ch'point d'établir ch'liste eud chés

infants trop méchants pour voir des cadieux...

Vif, el vint d'hiver

Y'a mi pu d'saison

Ch'est vrai quoi In s'est pu trop du qu'in n'est Un cop y fait bon Un cop y fait frod In juillet y mettent d'jà Chés cartappes dins chés Grinds magasins Dès fos qu'in oblirot Qu'chés vacances Cha dure pas toudis Et à peine el rintrée Qu'al est faite V'la qu'les cataloques ed juets Qui zarifftent Chés jonnes y raviztent cha Avec des zius bleu marine Et y s'mettent a canter Des hymnes ed noël Tout l'journée.... Dès fos, y cantent cor Pti papa noël s'qua ch'mos d'mai!!! Nan vous jure Ch'est point des carabistoulles! Enfin faut bin S'faire inne raison El Poulette pour ch'l'occasion A nous a concocté inne histoire Inne histoire ed nOel bin sûr.... Acoutez me cha....

In est ingélé mort ed frod

T'as pas sinti comme in tiot vint d'hiver?

Bin cha y est, tout y'est rimballé

Chés monstres, chés chorchelles

y zont pris leur clique et leur claque

Et les vla artournés à leu baraque

Vous pouvotent sortir ed vous mason

Y'a mi pu ed danger qui n'a in

qui vous quait d'sus l'paletot !

Ch'est fini,ch'est toute.

Rindez-vous l'année qui vient...

Mais ach t'heure eq nous vla

débarrassés d'cha...

Vla -t-y pas qui a inne ote affaire

qui arqueuminche...

et che n'est inne rute...

Z'avez dviné d'quo j'veux parler?

Ravisez alors dins chez rayons

dins ché grindes surfaches...

cha débortte ed juets!!!!

Là incor, in s'ra point in r'tard...

A l'année qui vient

Chés sines avant coureurs

In l'a djà dit chés chuffs souris quind t'in voués dins l'baraque, al cour, des qui dortent accrochées à chés brinques ed thym dins l'gardin....ch'est sine que ch'est bétôt halloween o bin qu'té vas dépinser t'quinzaine in chrysinthèmes.... Mais après tout, ch'est cor à peu près normal. Par conte, quind au mois d'juillet té voués dins chés grinds magazins tous l'palanquée d'cartappes et tout tous ch'qui va avec, ed déjà installé... ch'est point vraimint sine ed rintrée scolaire mais y'a vraimint d'quoi êtes débousé... Quind té vas faire tes commissions, t'as beau tourner d'tiète ed l'ote côté, t'as quind même du maux à pas l' zé vire tout chés fournitures ed brin qui sont là à t'narguer comme pou t'dire: "Eh, ti là-bas, ravisse bin, fais point trop l'fier, in t'attind et bétôt, tes vacances al s'ront pu qu'in viu souv'nir!"

N'in veux-tu ; N'in voilà

Chuff souris in septempe...bonbecs in novempe!

Avec toutes chés chuff-souris qui traînotent

ed pus in momint dins chés paraches,

in s'doutot bin qu'y avot pu bin long

avant qu'cha suche el moment ed raquatter

des gros paquets d'chuques pou chés gosses...

Ach t'heure ché djà du passé,

el ribambelle ed monstres

al a déchindu tout l'révserfe ed bonbecs.

Y n'a même pu in à s'mette as guiffe,

ch'est-y pas malheureux!

Heureus'mint, à chaque cop

qu'inne équipe ed jonnes d'aloute

al s'présintot al porte,

chacun sin tour in prénot inne pugnie d'friandisse.

Comme cha chés gamelles al allotent bon train,

in attindant l'fournée d'après.

Pou dé finir,

in n'sait mi pu qui qu'ch'est qui n'a maquer l'pusse!

Jonnes d'Aloute!!!

Get Your Own! View Slideshow

De l'soupe al grimace

Pou réussir à tous les cops des guiffes ed d'cats poursuits à tap
Ch'est facile comme bonjour:
Té vas quère un potiron dinch ch'gardin
Ou cor mieux té dis ouais à tout chti qui veux t'un rinfliquer in
Ou cor pire té l'acate.
Après cha tin profite pour décorer égayer in tiot peu l'mason
Pis cor après té t'décide à un faire quetcosse.
Inne quiche à l'citrouille avec des pétits lardons
Cha passe incore

          
Mais l'pus pire ch'est d'trinsformer
L'affaire là in soupe...
Et là té achurée d'point faire d'heureux
Vu les tranches qui font devint leu gamelle.
Té comprins mi cha, ti té t'régale,
T'in r'prinds même inne paire ed louches.
T'é rajoute du gruaire, des tiots croutons.
Man, que chaire!!!
PPPPPfffffuit ch'est mi graffe
Ch'est vraimint tous des gloubecs!!!

          

Recette

In a buqué al porte

Paraîtrot qu'final'mint ch'est gins y sont té pu trop inaillés pou fêter halloween. Dins chés magasin chés balais d'chorchelles y font pu trop recette. In n'a qui distent qu'ch'est culturel et qu'ichi chés gins y préfèrent acater des chrysinthèmes, cha fait tout d'même pu sérieux. Mais bon cha fait inne paire d'années qu'in a lancé l'mote là et mi ch'pinse surtout qu'in est mi sot au point d'racter les mêmes berdoulles à chaque cops...ach t'heure in est équipés. Par compte, chés jonnes y oublient point d'buquer al porte pour vénir quère des chuques. Faudrot vraimint pas ête bin dins s'tiète pou louper inne occasion parelle!

Potiron in fouffelle !

Anti Nono

Mi j'ai mi voulu d'inne fouffe parelle In pouf? Nan mais vous m'avez bin ravisé! Si y crottent que ch'est avec cha qui vont m'amadouer... Et pis faudrot cor qué j'chuche min peuche? Si j'ai invie d'braire d'abord, Ch'est mi qu'cha r'garte! Mi j'veux inne tuttute Inne grosse, in caoutchouc avec inne tiète ed titi à l'ote bout! Et pis rin d'tel qu'inne bonne vielle loque à cul pou mi m' mucher. Après cha z'aurez ptete la paix!

Pas la peine d'in racatter !

Abile in t'attind aussi

Il est bien au chaud dans ce tiroir

tout remblotti dans un coin

il bouge de temps en temps

il va bientôt pointer son bout de nez

mais en attendant il suce son petit pouce

et on va lui offrir plein de petits n1n1

il choisira son préféré

il le prendra et le calinera

 

                                         

 

L'est bien au caud dins ch'tiroir

tout rimblotti dins in tiot coin

y s'tortille ed timps in timps

y va bétôt moutrer l'bout d'sins nez

mais in attindint in tute sin peuche

et on va y'acater inne bansse ed n1n1

y cujira sin préféré

y l'prindra et l'câlin'ra

 

texte de  LéLé

Polichinel dins l'tiroir

El secret d'Polichinel

Pindint ed nombreusses années,in n'a pu trop intindu parlé d'mi.

J'étos pourtant pas bin loin, au fin fond d'in débarras,aux z'obliettes

dins in viu carton avec tout sin foursin ,qu'inne vaque al y artrouvrot pas sin viau !

J'étos pas bio à vire savez , mes gins, avec min costume d'éponche bitaclé tout râpé,

à motié décapité j'avos m'tiète à l'invers et pis mes boyaux à l'air par dessus l'marché

Chétot vraimint pas in pestacle !

Et j'cros que m'étoile m'a souri. In cop comme cha in est v'nu m'quère.

Après queques zopérations ed chirurgie ethétique

m'arvlà d'sus mes deux gampes et j'a même été adopté...

Polichinel

El vosgienne

A chacun sin parlache

Ch'sais bin qu'les chtis

Ch'est point toudis del tarte (à gros bords)

Mais j'ai m' copine ch'est inne vosgienne

Et des fos al dit des trucs, ej comprinds rin

~~~~~~~~~~~~~~~~~~

Pour dire ruban al dit "un flot"

Bin ouais, cha flotte

Quind in y pinse !

~~~~~~~~~~~~~~~~~~

Pou dire un sachet

Al dit " in cornet"

Comme in cornet d'frite in somme!

~~~~~~~~~~~~~~~~~~

Et pis , pou dire inne poupée

Al dit "inne gueuniche"

Faut d'toutes sortes pou

Faire in mont'

Vingt Guettes !

Gueuniche

Image de DAN

Tout le monde il est beau

Doudou N1N1 Loloque Gueugueune Pouf NoNo

El Roi Babar

Le Roi de Flo

Vers l'infini et au-delà :)

Si vous fallot inne preuffe Comme quoi chés viux zamis Cha s'oblit pa Ravisez me peu ch'tableau El roi Babar dins toute Eusse splendeur Usé, rapiéché, éffiloché Mais toudis présent Discret, Mais toudis prêt A moutré l'bout sins nez. Merci Flo pour ce précieux témoignage

Jamais sins min NoNo

Al n'a inne bonne avec sin NoNo

Vla chi donc Nono Rin avoir avec el tiot robot ~~~~~~~~~~ 80 g ed toile ed parachute In compagnon atterri Subreptis'mint Dans les bras d'inne Toute pétite nénette ~~~~~~~~~~ Vite dév'nu indispensappe Si in l'artrouvot point Avant l'heure de s'couquer In avot drot à inne crisse Al bréyot comme in ane ~~~~~~~~~~ Tout l'monde y'étot D'sus l'pied d'guerre Pour artreuver cheulle fouffe ! Al n'avot des bonnes avec sin NoNo

NoNo

Muché dins in coin

In fait y'arrif in momint où cha d'vient délicat de s'trimballer avec sin gueugueune in tiot peu partout ~~~~~~~~~~ surtout qu'y n'a ch'est point du genre discret j'in connos qui avotent carrémint in oreiller in pluche ~~~~~~~~~~ d'autes chétot inne étiquette ed mantiau ch'est moins arpérappe ~~~~~~~~~~ mais après tout qu'ech cha peut faire? in peut toudis les mucher ~~~~~~~~~~ dins in coin de l'mémoire ou d'ailleurs...

1 doudou çà rétrécit

In s'in rinds compte à un momint ou à in aute, mais chés consolateurs y pren'tent bocop d'plache, y sont toudis auprès d'chés tiots aussi grinds qu'eux, qui sont bétot mais pu qu'chés éfants grandissent et pu qui dévien'tent pétits si pétits qu'in jour y disparaissent d'leu vie...

Ptit quinquin

Jack

Pierrot et son Jack

ché eune histoire d'amour .....

entre Pierrot et Jack le doudou ...

:*)

quind ch'léfant l'a rincontré

il éto incore bin tio...

il n'avo que 4 mo,

et ses yeux yont brillé

quind i l'a vu eul'première fo ...

++

y'a comminché par y chucher sin nez,

qui préno pour l'bout d'sein deus'mère,

pi l'bout ds'in capio,

y infilo in même temps sin piti dogt

par euch'l'étiquette

pour mieux le frotter,

;o)

du cop' eul' matière polaire

elle s'est éffritée,

les passaches al' batteuss' n'ont rien inringé...

:o/

as'theure tiot Pierrot, 7 ans bintôt,

y dort cor avec,

y l'y met un tio gilet

pour sauvegarder c’qui peut

sauver euss' pov doudou

eud' l'usure de ces 7 années de câlins,

de complicité et de pétits secrets ....

:)

Par El brayousse le 24 septembre 2006

Vieizerie

Consolateur

Des doudous y n'a ed toutes sortes

In appelle cha comme in veux :

Doudou, ninnin, nono, ch'est selon.

Mais souvint el pu délicat avec chés affaires là

Ch'est qu'chés tiots y les quitte point

Et qu'pour les mette al batteusse

Té peux toudis courir !

T'es obligé d'les kidnapper

Dins l'nuit pour les mette à laver...

Ichi padzou, d'sus l'photo

Ch'est inne sorte ed relique

In appelle cha "inne loloque"

Ch'est in doudou grammint usité

Dins nos contrées.

Au début t'es t'cros malin

Passe que té n'a inne

Bansse ed parelles, dins ch'l'armoire,

Et finalmint, té t'fais avoir quind même car,

Din'ch lot y n'a toudis inne

Qui s' démarque

Un tiot noeud par-chi

Inne tiote firlouppe par-là

Un tro ichi ou là

V'la t-y pas que l' loque à cul

Qu'al s'met à dév' nir origéniale

El seule, l'unique au monte

A pouvoir rapajjer tin jonne d'aloutte

Cha' dépasse l'intind'mint!

NINNIN

Heureusemint qu'in a invinté ch' N1N1

L'où y'es-tu?

In a biau dire qu'inne grosse biète Dos nin avoir peur d'inne tiote Ch'est qui faut des fos Pas grind cosse Pou ête aux 400cops! Les tiots aussi bin Qu'les grinds Point d'âche pou ête froussard

Attintion à ti

T'avos raison El Poulette Muches-te Chés chuffs souris d'Halloween Al sont désaquées d'leur racoin Al zarrifftent dro sur ti!!!

Cor inne histoire ed chuff-souris

Par El Poulette ed Picardie ch'cop chi! eh che filles ecoutez cheu....j'ai eune histoire vrai a vous raconter...en fait eum'fillotte et bin a ch'l'ecole y zont trouve eune cheuff souris....che trop fort cheu...alors avec tous che copains deul' classe, ils l'ont pris avec deux bouts d'batons...elle etouait collee a ch'mur din'l cours eud récré...bref, avec che deux bout d'baton ils l'ont emmené dou kil y a de lherbe...lo, che garchons y zont creuzé eun trou et hop vla tit point qui zont enterré eul cheuffe souris.....oooooooooohhh....ben lo che toute...eu'm fille elle etouait toute fiere de m'raconter cheu...elle , elle o meme pas eu peur...mais mi j'ai l'frousse...bientot c'est halloween...et si en fait eul' cheuuffe souris elle dormait ....ele va reviendre...comme che morts quon dit qui sont vivants...brrr cheu ji ai po dit mais mi en tout ko ch'trinte et in octobe, jirai pas din l'cours eud'l'ecole...

E peire

Image by Dan "Arachnée"

Ah pis chés araignées

Avec leu noirtes é pattes toute fines

In pourrot les treuver élégantes

Ch'est d'ailleurs el saison

D'les vire dins ché masons

Au lieu d'cha quind on les voé

In détale,

Ou in les occis à cops d'journal!

Ch'est pas inne vie facile...

~~~~~~~~~~~~

Em mère al n'a toudis

Eu peur

Sus l'ducasse in n'acatot

Des rutes, in cahoutchouc

Des bin velues, avec des gros zius

Et que plaiji qu'in avot à

L'poursuiffe avec cha

Al faijot inne vie d'voleur!

~~~~~~~~~~~~

In cop pourtint

Prenant sins courache

A deux mains

Et s'pantouffe surtout

Al a écrasé d'sus l'tapiss'rie

El monstre qui venot de

S'désaquer d'sins tro

Et qui étot tout près d'mi

Jusse à deux dogts

Arnitoiles

Image by Dan " l'arbratoiles"

A peur (suite)

Avec tous chés monstres

Qui traintent aux alentours

Sins oblier l'biète qui

Est muchée padsous ch'lit

Et pis cor el crocmitaine

Dinch ch'larmoire

Nan, ch'est vraiment

Ch'est trop insurmontappe

In est mi sot

In préfère s'camucher

D'sous ch'drap

Et suer d'caud

Putôt que de s'faire macquer tout cru!

Croque-mi et croque -moi

A peur!

In s'révelle dins l'nuit Ch'est l'noir total Et in artreuffe pu sin ninnin In cache après Et pas moyin In a prêt d'picher Mais faut sortir d'sin lit Déchinte ch'l'escalier Sortir de l'maison Avincher à tatons pour Ouvrir el lunmière Man mère Y n'est mi question Pour rin au mont' !

Franc diap!

Batman ed mes maronnes**

Ch'est alors que s'mère n'a rien trouvé mieux d'y repont:

-"Mais arrête dont d'braire,té voés pas qu'ch'est eunechuf'souris

 

Mais quo qu'al avot pas dit là...
Euch' tiot y s'a mis à r'braire aussi sec, yéto terrorisé, y croyo queul' tiote'bête viendrot chucher tout sin sang pindint sin somme...al pinsot pourtint faire bin, vu qui s'déguisot souvint in  Batman, t'es parles l'avot bel air note super héros!

 

Pindint ch'timps là sin père y'est vénu al rescousse...avec ses grinds bras y faijot des moulinets, histoire ed diriger l'biète à l'ferniette et pis l'foute à l'cour.

 

Après cha, ch'tiot ya pu voulu  s'couquer tout cheul, y n'avot qu'eune hantiss', c queul' bête vienne eul'chucher ...

Mais eus'mère l'a rachuré, elle pouvot ach't'heure, in y expliquant que ché
bièt' là elles mingotent des insect' et des zotes bêtes et qu'cha
chuchot pas les tiots zinfants !!!

Ch'est à mitemps rappajé que chtiot tintin y s'est indormi après chêtre
achuré que ché volets et ché ferniettes deuch' champ' zétotent bien
fermées !!!

Drôle d'ozio!

Batman ed mes maronnes *

Puiqu'y fait djà noir, mi j'vous dit bonsoir, mais avant voichi inne histoire, inne histoire invoyée par El Brayousse:

 

"Batman"

Chéto eune bell' soirée d'été, le soir deuch' feu d'atifiss' deul' fête
nationale ...

Fézo ko eul' journée, alors eul' soir,  les parents deuch'tio Tintin y
zouvrottent toutes ché ferniettes pour met' eud' l'air frêque din leu
baraque ...

Pindint euch' timps là, euch' tiot y pouvot jouer àl' frèque avec sin
grand frère dinch' gardin.

Pi fut l'heure d'aller aux plum'... Fallot alors eus'brosser ché dints
avant d'aller eus'pieuter ...

Tiot Tintin monta euch'premier...

D'in cop,eus'mère l'intindit qui l'appellot au s'cours,y'étot apeuré et pis y hurlot :

- "ya un monio dinsl'baraaaaaaque !!!"

 

Al monta quatte à quatte, chés escaliers et là, al découvrit ch'tableau :

 

Ach plafond inne biète tournot in rond, à inne rute vitesse, al avot cor pusse peur que ch’tiot.

Eul volatile y'étot in train d'cacher l'sortie, mais à s'mote...j'avot inne drôle d'allure pou in monio.

 

Et ch'tiot qui n'in démordot pas:

-"y'a un monioooooo, y'a in moniooo".

Dins l'nuit noire...

Y fait noir ichi d'dins

Y fait noir ichi d'dins

Qui ch'est q'y a souffler su ch'quinquet?

 

Ch'est vrai quoi,

Ch'est qu'dins l'noir t'es vouais pas

Gramint fort clair

 

Ch'est les téneppes

Tout autour ed ti

T'as beau ouvrir tes zius

 

Ch'est la nuit

Et dins l'nuit

Y peut t'in ariffe des drôles...

El salle...

In pétite plache

J'vas chi faire inne plache pou Lélé qui avot invie d'parler d'quetcosse mais à vrai dire el toite glaine al a arpris l'école alors in va cor attinte un tiot peu... cha sert a rien d'insister d'trop, car in l'sait bien "pu qu'in prie, moins qu'in vind"...

Quinquet

La lampisterie

On est allé à Lewarde pour savoir comment c’était l’ancien temps dans les mines .

 

Et on a visité :LA LAMPISTERIE c’est là qu’il y a les lampistes. Les lampistes  étaient des femmes qui  distribuaient en permanence les lampes aux mineurs mais pas n’importe comment :

 

D’abord il fallait donner son jeton avec son numéro, et selon celui là, elle vous donne  votre lampe en échange.

 

Donc après vous pouvez descendre dans le noir de la mine tranquillement , enfin pas autant que çà car il faut travailler dur et remonter à temps. 

 

Si à la fin de la journée , le jeton restait accroché au  tableau sur lequel  on les plaçait tous, alors la lampiste  se disait qu’un mineur n’était pas encore  remonté et qu’il y avait un problème.

 

Merci Lélé, à quand la suite?

 

Fossile

El soup au carbon, ch'est l'suite...

Ch’jour-là, elle avot décidé, pou ses mineurs qui allotent rintrer de l’fosse, ed préparer un bon bouillon. Elle avot mis sus ch’feu es grinde marmite avec tous ches légumes et pis aussi des pétites gambettes au lard. All s’dépêchot d’faire tout cha. Al faijot cuire es grosse soupe sus sin fu à carbon. Pou aller pu vite, mamie Maria al avot ayonné l’gueulette ed sin fu pou armette du carbon… Mais catastrophe, mamie Maria, elle s’avot trompée. In prenant s’pelle à carbon pou mette d’un ch’fu, putôt que d’soul’ver l’couvercle de ch’poele, elle a  pris chti de s’marmitte ! Et tout y’a quéhut dins chés légumes pis l’viande avec !

Em pauve mamie, elle a tellemint brai de s’bêtisse.

Malgré tout elle n’a point perdu chin moral. Elle a ch’ter tous chés légumes, rassaquer les pétites gambettes au lard qu’al a bin rinchées à l’iau, et pis tou cha. Pas question de ch’ter de l’viante ! après elle a du arfaire des frites avec de l’salate, de l’moutarte, comme cha tous ches ouvriers n’ont pas mourus d’faim et y s’sont bin pouléqués !

Elle s’avot bin arringée, pauve grind-mère. Quind in a du courache et de l’volonté on  y arrife toudis. Alors on se dit aussi : on arquer toudis d’sus ses pattes, in perd pas l’Nord et VIVE LES CHTIS, ch’est les meilleux !

 

Ch’est mi, Renée qui vous a raconté cht’ histoire vraie, ch’est l’histoire de l’soupe au carbon chelle de m’grind-mère Maria (mais elle préférot qu’in l’appelle Elizabeth).

 

 

Gaillette

El’ soup au carbon

Voilà, ej’va vous raconter l’histoire de m’grand-mère Maternelle. Elle s’appelot Maria. Ch’étot inne sacrée Mamie. Elle a eut huit jonnes, inne grinde famile, 1 file et 7 garchons, tous mineurs à Lens. Elle n’arrêtot  point d’travailler. Faut avoir du courache pour bien les élever. Faut dire aussi que dans l’temps, chés fils donnotent des rutes cops de main à leur père. Ils rentrotent des mines avec li et insuite, ils allotent travailler din ch’gardin pou cultiver chés légumes et nourrir chette famil ed courageux.

Pindint l’semaine, le soir, les garchons allotent répéter la musique à Annezin, al salle des fêtes. Ch’étot aussi des bons musiciens.

Leur file, ch’étot m’mère. Elle n’arretot pas elle non pu ed donner des rudes cops mains à l'sienne. Faut dire qu’avec inne grinde famil comme cha, m’mère elle étot toudis là.

Ach t’heure j’va vous raconter quetcosse qui est arrvé à m’grand-mère...