El salle...

In pétite plache

J'vas chi faire inne plache pou Lélé qui avot invie d'parler d'quetcosse mais à vrai dire el toite glaine al a arpris l'école alors in va cor attinte un tiot peu... cha sert a rien d'insister d'trop, car in l'sait bien "pu qu'in prie, moins qu'in vind"...

Quinquet

La lampisterie

On est allé à Lewarde pour savoir comment c’était l’ancien temps dans les mines .

 

Et on a visité :LA LAMPISTERIE c’est là qu’il y a les lampistes. Les lampistes  étaient des femmes qui  distribuaient en permanence les lampes aux mineurs mais pas n’importe comment :

 

D’abord il fallait donner son jeton avec son numéro, et selon celui là, elle vous donne  votre lampe en échange.

 

Donc après vous pouvez descendre dans le noir de la mine tranquillement , enfin pas autant que çà car il faut travailler dur et remonter à temps. 

 

Si à la fin de la journée , le jeton restait accroché au  tableau sur lequel  on les plaçait tous, alors la lampiste  se disait qu’un mineur n’était pas encore  remonté et qu’il y avait un problème.

 

Merci Lélé, à quand la suite?

 

Fossile

El soup au carbon, ch'est l'suite...

Ch’jour-là, elle avot décidé, pou ses mineurs qui allotent rintrer de l’fosse, ed préparer un bon bouillon. Elle avot mis sus ch’feu es grinde marmite avec tous ches légumes et pis aussi des pétites gambettes au lard. All s’dépêchot d’faire tout cha. Al faijot cuire es grosse soupe sus sin fu à carbon. Pou aller pu vite, mamie Maria al avot ayonné l’gueulette ed sin fu pou armette du carbon… Mais catastrophe, mamie Maria, elle s’avot trompée. In prenant s’pelle à carbon pou mette d’un ch’fu, putôt que d’soul’ver l’couvercle de ch’poele, elle a  pris chti de s’marmitte ! Et tout y’a quéhut dins chés légumes pis l’viande avec !

Em pauve mamie, elle a tellemint brai de s’bêtisse.

Malgré tout elle n’a point perdu chin moral. Elle a ch’ter tous chés légumes, rassaquer les pétites gambettes au lard qu’al a bin rinchées à l’iau, et pis tou cha. Pas question de ch’ter de l’viante ! après elle a du arfaire des frites avec de l’salate, de l’moutarte, comme cha tous ches ouvriers n’ont pas mourus d’faim et y s’sont bin pouléqués !

Elle s’avot bin arringée, pauve grind-mère. Quind in a du courache et de l’volonté on  y arrife toudis. Alors on se dit aussi : on arquer toudis d’sus ses pattes, in perd pas l’Nord et VIVE LES CHTIS, ch’est les meilleux !

 

Ch’est mi, Renée qui vous a raconté cht’ histoire vraie, ch’est l’histoire de l’soupe au carbon chelle de m’grind-mère Maria (mais elle préférot qu’in l’appelle Elizabeth).

 

 

Gaillette

El’ soup au carbon

Voilà, ej’va vous raconter l’histoire de m’grand-mère Maternelle. Elle s’appelot Maria. Ch’étot inne sacrée Mamie. Elle a eut huit jonnes, inne grinde famile, 1 file et 7 garchons, tous mineurs à Lens. Elle n’arrêtot  point d’travailler. Faut avoir du courache pour bien les élever. Faut dire aussi que dans l’temps, chés fils donnotent des rutes cops de main à leur père. Ils rentrotent des mines avec li et insuite, ils allotent travailler din ch’gardin pou cultiver chés légumes et nourrir chette famil ed courageux.

Pindint l’semaine, le soir, les garchons allotent répéter la musique à Annezin, al salle des fêtes. Ch’étot aussi des bons musiciens.

Leur file, ch’étot m’mère. Elle n’arretot pas elle non pu ed donner des rudes cops mains à l'sienne. Faut dire qu’avec inne grinde famil comme cha, m’mère elle étot toudis là.

Ach t’heure j’va vous raconter quetcosse qui est arrvé à m’grand-mère...

 

A l'ouvrache

Min grind gardin

Ravisse me cha chi, ch'est pu in gardin ch'est in camps. Ch'est in pusse de ch'tiot que ch'fais, dins l'coron, in face de l'maison.

Cha fait inne rute pièche, mais pou nourrir tout l'monte, y n'a point d'trop.

Pis quo qu't'es cros, j'ai mi d'zoin d'un artourneur ed gardin à moteur pou mi fouillir tout cha.

T'es sais quind té passes ed journée à croucrou au fin fond d'inne gal'rie à saquer d'in, et beh faire tin gardin ch'est de rigolate. J'sus toudis à quatte é pattes mais ichi ch'est l'bon air.

Et avint d'êtes mineur, j'étos paysan après tout.

Qui ch'est le pu fort?

Ch'est Radi !

Min gardin ami

Quind vient el tin des biaux jours,ch'est l'sang de m'tiète qui fait qu'un tour, et j'pinse a chu qu'ej vas mette ed dins...

Buziache...

Ja ker grinmin plinter des carottes, bin ouais, cha rin aimappe i paraît,et des tiots radis qui piqutent eute lanque.

Ja ker auchi ed zobergines et des coeurgettes pour faire el ratatoulle dins min couêt in cuiffe de m'grin mère, che incore meilleux comme cha.

Ja n'pourro pon non pu faire sans mes sacrées citroulles. Chette année ej n'ai mi deux pieds, fo vire a quelle vitesse al pousstent,ch'est incroyape!

Fo dire que j'min occupe bin, comme des tiots zéfants. Tous les jours ej vas leur rinte visite pour leur donner de l'iau, elles ont ker cha et am motte qui a pas que mes citroulles...

Y'a aussi Rosalie*, ch'est l'anesse du vojin, alors ej li donne ed l'iau pour ete trinquille sinon elle gueule tint qu'elle a pas eu à boire!

Té parles d'ane affaire! (jeu d'miots).

Pour in r'vénir à mes citroulles, elles pousstent à toute berzingue. L'année passée ej n'ai eu aine ed 72 liffes!

Pour s't'année eu'j'voudros bin arriver à 100 liffes, mais cha, am motte cha va ette dur...in verra, j'aurai ptete min ravisoir din l'journal ;)

V'là chi in texte ed Cochon d'Frite qui vient tout jusse ed quaillir dins ch'l'escarcelle

*Si té veux,va-t'in vire au mois d'novempe de ch'l'année dernière pour arbeiller à quo qu'al arsinne, Rosalie

Truches

Les patates in furie

Ch'est inne année à doryphores. Ch'est des tiotes biètes à costume rayé qui pondtent des oeufs padzou chés feuls ed pennetierre pou faire des jonnes. Après y macqutent chés feuls et chés truches al zattrappent el maladie, el mildiou qu'in dit. Alors chés patates al sont toutes taquées et al pourritent, pis cha fait du fien. Quind t'in prinds inne, tin dogt, y passe à travers, ch'est dégueulasse! Alors, putôt que d'traiter al pourette, in a puzieurs fachons d'combatte el vermine. In peut inl'ver chés fanes, in cope chés brindons et in y fout l'fu. O bien, t'es récoltes chés doryphors tous les jours, t'inlièffe chés feuls malates, duche qu'y des oeufs et pis t'es mets cha dins inne boîte in feralle et t'es fout l'fu aussi. Cha claque là dins, in dirot du pop corn!!! (In s'esscusse pou les âmes sensippes). Quind t'as fait tout cha, t'es peux prindes tin fourquet pou arracher patates. Mais surout, sourtout...t'es dos les laicher réchuer d'sus ch'terrain inne paire d'heures. Elles dotent faire leu furie, sinan elle vont cauffourrer et point pouvoir es conserver. Al z'es rinte insuite dins in indrot duche qui n'fait pas trop caud, qui a d'l'air et point linmière. Autermint ch'cops chi, al verditent et inne peut mi pu les minger. Un gardin ch'est bin, mais ch'est l'ouvrache! T'es sais quind même chouque t'es minges!!! Par ch'collectif des faiseux d'gardin Hemlenglois