poppy

Le jardin ...

Le jardin

J'entre dans le jardin, hummm...

des fraises, des framboises et

même des petites tomates

que c'est délicieux

miam miam

oooooh des fleurs, en plus elles sentent bon

quel parfum!

eeeh, sur le thym il y a

de jolis petits et grands bourdons

qu'ils sont beaux!!!

Et bien maintenant je sors

et je referme bien

la porte du jardin

car voilà:

C'est l'haure de passer

à table.

...de LéLé

bzzz

Min gardin sint point la rose.

Dins l'temps quind in intindot chés gros rouleaux sus chés pavés, in s'dépêchot ed prinde sin séiau, s'balayette et sin ramasse poussière, pou aller ramasser chés brins d'quévaux, pou mette din ch'gardin. Surtout sus chés fraisiers!

In vidot aussi chés cabinets dins les routes ed pintes-tières pou avoir de l'bonne terre. Avec eune cass'role au bout d'un baton, in arsaquot tout cha et in l'mettot dins inne bouleusse posée d'sus inne brouette, qu'in allot culbuter intre chés routes. Y faut dire qu'au moins pindint inne semaine, cha sintot pas la rose. Mais chés vosins y n'dijottent rien, passe qui s'in faijotent autant!

Après in a fait des citernes qu'in faisot vider par ch'vidingeu directemint sus ch'gardin.

Comme cha faijot bocop, ch'gardin y nageot!!! Mais in avot de l'terre comme de l'soie.

Ach t'heure ch'est défindu, in paye l'TVA d'sus et in n'peut mi pu faire chouqu'un veut d'sin brin, merte alors!

 

Merci à Roland d'avoir bin voulu s'finde d'in tiot texte pou mette ichi

route

L'ieau du tonnieau

pa d'sous l'goutière, dins l' grind tonnio in feralle, quéyot l'ieau d'pleuffe... ch'l'intérieur tout tapissé ed mousses vertes al surface nagtent tout d'sortes ed tiotes bêtes cha r'mue la d' dins et si t'es tinds l'orelle, cha fait du boucan acoute bin comme cha vit acoute bin t'intinds comme cha pétille? commint cha gargoule? y'a comme inne jungle dins l'tonnio du gardin... d'in pas décidé y'artrousse ses manches y prind sin arrosoir l'incrinque au fond du tonnio et balle d'sus sin gardin l'ieau verte qui cante et tout ch'qu'ya d'dins al armonte l'allée bordée d'thym armée de s'cass'role d'in lite ed shampooing et vient quère à sin tour l'ieau du tonnio al dit qu'ch'est de l'ieau qui fait gramint d'mousse passe qu'elle dechind du ciel qu'al est fort douche* j'cros qu'ch'est min tour l'ieau queurre* su mes cavieux* ej sins ch'est frèque et tiède cha desquind d'sus m' queuette* mes cavieux, d'main y s'ront tout verts et habités ed millions d'pétiotes bêtes j'pourrot m^me bin les amadouer al m'dirot tous leu secrets et m'férottent les coiffes que j'voudrai n'hésitez point mes gins lavez vos cavieux à l'ieau d'pleuffe du gardin passe que vos valotte bin!!! douce court cheveux nuque

Arroser à l'iau d'pleuffe

Au gardin pis à l'cour

A chaque rintrée scolaire, cha manquot pas, fallot raconter quo qu'in avot fait pindint nou vacances. Ch'étot chaque cop parel, j'avot pas grind cosse à raconter.

Ch'in est inne ed manie tout'd'même ed tout vouloir savoir.

J'étot rud'mint bin imbêté.

Pou les autes z'éfants chétot facile, ch'étot inne aventure qué d'sin aller. J'les véyot tout innaillés, préparer l'départ. Y mettotent tout leu attiral dins l'caravane les chaisses ed campin, les tongs, les capios d'solel, ches raquettes et leu volants avec, leu serviettes ed bain...et j'in passe. Ch'est qui z'allotent au loin, dins l'Sut, plus exactemint. Là du qui fait bio, là du qui fait toudis caud.

Mi j'étot in tiot peu honteux, j'les ravisot, mais je n'disot trop rien.

Ch'est qu'mi, mes vacances j'les passot souvint à Gardincour...

A croucrou

Min gardin sint pas la rose

Ch'est un texte que j'dos mette ichi mais j'la tell'mint bin ringé que j'l'artreuffe pu! Je désespère point s'pindint d'armette el main d'sus... Ch'est in anecdote ed min bio, j'm'in voudros de pa l'mette, vu j'la asticoter pou qui me l'raconte cor un cos ( vu qu'cha y arvénot comme chha) et pis l'noter d'sus inne feul. Bon j'va raviser duque ch'est qu'al est muchée.

Ch'parc ed thym

J'chus malate, j'ai mingé trop d'salate

Tertous assis autour de l'tap in est là qu'in attind et v'là tiotes bottes qui s'amène avec dins ses bras eusse grinde bassine jaune. Ed dins y'a l' Salate, el Salate toute fraîch'mint récoltée du gardin. Elle l'a donc cueillée,lavée et arlavée,chaque feul scrupuleus'mint triée, et pis assaisonnée avec amour et gramint d'poiv (de ch'moulin SVP) sins oblier ch'l'échalotte.

El Salate déborte de ch'plat, chés feuls elles sont toutes fines, légères, aérées,d'un vert vraimint des pus parfaits! Quind té mets cha dins t'nassiette, cha sint rud'mint bon, ch'est deux fos meilleu qu'un dessert. Arrif el tour ed not José Bové local qui in s'servant déclare comme a s'n'habitute, très solannel:"Ben cha ch'est pas de l'Salate ed surpermarqué, ch'est point du cahoutchouc et avec cha j'aurai pas d'maux à min vinte!"

Rose ed gardin

In avant El brayousse!

Com' ché l'mo du gardin, j'comprin bien qu'ça doit êt' point el'gardin suspendu ed'Babylon' j'va vous raconter eune tiote anecdot' de not' Eden' à nous !Cha s'appel' : 'In invant ché histoir''Ché deux tiots loulout' qui jouottent toudis insemp' et y zavot un grind gardin pour jouer d'dins. Y zinventotent des zavantur' in tout genr'...Eul'meilleur' qui zon inventé : leur mèr' les véyant passer d'vin eul'ferniet' deul'cuisine, elle leur demind' si samuzot' bien ?Y réponditent alors qui v'notent eud frinchir eul' forêt tropical,' qui zavotent escaladé eul' montagn' et qui s'apprêtotent d'aller din l'jungle !Alors qui véno eud'passer un un gros laurier qui vén ott' in passin d'ssous (forêt tropicale), qui zavot' monté eul' tiote colline derrièr' eul' baraque (montagne) et qui zalot' dinch' verger (jungle) ! El' Bréyousse. In grind merci à E.B Pou s' n'histoire

A vos gardins