"Vraiment mais que stress y'a des jours, mes gins.J'a beau leu dire qu' j'ai pa quatebras, y n'a toudis in qui brai pour d'minder chi ou cha.Y n'a janmais in qui a sin coeur contint, ch'est quind même inne affaire cha!!! Ah et pis ch'grand, ach t'heure qui s'y met. Li non pu y deminde rien sans ronchonner.V'la t-y pas que ch'est ch'téléphone qui sonne.J'va janmais réussir à l'étaler cheule pâte à tarte.
L'crème al fait des maqueclottes.Un pusse ej sins que chtiot y'a tchié à s'marronne.
Et cha queuminche à feumer par l'porte d'ech four.J'cros bin qu'ch'est ch'poulet qui va cramer.Y'a d'jà de l'finquèrre plein plein l'baraque.Et pis n'homme qui va s'amner avec tout s'équipe d'arbrinqués! Vite inne lilas pausse,Vite m'artrouver étindue sous un arp,avec el bruit de l'eau du ruisseau,el chant des moniots.
Viens Médor, in va s'promner!"
2 commentaires:
Ch'est là un texte ed fiction comme in dit, mais je l'dédie à tout chelles (et cheux) qui vont promner leu kien quind y sont in rache!
Inne "lilas pausse" ch'est un chuque que quind t'in minches, t'es t'artrouffe dins in aute diminsion et d'in co, t'es t'sins tout d'suite mieux!
Enregistrer un commentaire