Teaklatch?

That is the question. Chétot jusse pou plaizinter, in y busirot nin!!! Rin n'vaut inne bonne goutte ed jus. Ichi, y'a pu fos qu'mi qui n'in bos du café, seulement quind arrife el cérémonial du spéculos, à du qu'ch'est qu'ils trimpent leu tiots gâtios pinsez-vous? J'vous l'donne in mille: dins m'tasse, après cha fait in tiot peu de l'morlaque mais ch'est bon d'les vire es pourléquer.

Expresso

Kaffeeklatch

Lorsqu'on propose aux gens un petit café, il ne s'agit pas que de cela. Ce n'est pas juste prendre une boisson chaude avec ou sans sucre, avec ou sans lait. C'est quand même un peu plus que cela non?

Cela veut dire que tu as envie de partager un moment privilégié, à parler de tout et de rien. Ca dit aussi: "j'ai du temps pour toi, pour te regarder, pour t'écouter, pour rire avec toi."

Enfin, il faut quand même savoir que la magie du kaffeeklastch ne fonctionne pas toujours. Le charme n'opère pas à tous les coups. Je dirai notamment le matin, au réveil, selon les personnes cela n'a pas, MAIS PAS DU TOUT l'effet escompté!!!

*Ce mot là n'est pas un mot flammand mais anglo-saxon (je l'ai lu dans le dernier sociographe, si tu es curieux va voir sur google).

Tout buveur de café doit bien savoir de quoi il s'agit. Cela renvoit à ce qui se passe lorsque tu partage une tasse de jus, le tout en discutant.

Cherloutte

Kaffeeklatch*

Quind in proposse à ché gins un tiot café, ch'est pas fo qu'cha. Ch'est pas jusse prinde inne boisson caude avec ou sin chuque, avec ou sin lait. Ch'est quind même un peu pusse eq cha nan?

Cha veut dire aussi qu't'as l'invie d'passer un tiot momint privilégié, à paler d'tout pis dé rien. Cha veut dire j'ai du timps pou ti, pou t'raviser, pou t'acouter, pou rire avec ti.

Faut quind même savoir que l'magie du Kafeeklastch n'est pas toudis valappe. El charme y n'opère point à tous les cops.J'dirot surtout l'matin, au rével, selon chés gins cha n'a pon, mais pon du tout ch'l'effet escompté!!!

*Ch'mot là chez point du flamminck comme in dit des fos (ch'est un mot anglo saxon, j'la lu din l'dernier sociographe, cache su gogole si t'es inne maguette).

Tout chés buveux d'café y dotent sûr'mint chavoir ed quo q'cha r'tourne sin s'in rinte compte.

Là d'dins t'es peut y mette tout ch'qui passe quind té prinds inne tasse, inne goutt'd'jus, tout cha in papotant. Ch'est ptet pour cha d'ailleurs qu'des fos in toulle pindint tros z'heurs ed long, pou faire durer ch'l'instant (tané). J'me d'minde même chi cha va pas d'là ch'l'expression "que touilleusse"?

http://www.irts-lr.fr/fr/internet/recherche/model/index_socio.php?id=0101_index

P'tit noir

Sin premier café

 

In bio jour ch'est vrai, in s'sint bin assez grind pou tout fier, dire à s'mère:

-"Man, ch'sais commint in fait du café ach t'heure, bouche pas , ch'j'va te n'apporter in...

Ch'est alors qu'in arvient, tout duch'mint, pas à pas, point trop rassuré, ch'est caud et in a a un peu la troule ed rinverser et de s'brûler. In pose el tasse, enfin ch'mug d'sus ch'bureau, à côté de ch'l'ordinateur et in resse à attinte el réaction...

-"Humm, ch'est rud'mint bon, tin bazar, que chaire! qu'elle dit in faijant quind m^me ej cros bin, inne tiote grimace.

In vérité, puto que d'faire un véritappe jus des familes, ch'étot du café lyophilisé fait avec ed l'ieau pis du chocolat in poude!!! In peut point ête maite avant d'ête apprinti!

-------------------------------------

Un beau jour, c'est vrai, on se sent assez grand. Tout fier on dit par exemple à sa mère que l'on va lui préparer un bon café. Que l'on sait maintenant comment s'y prendre. C'est alors que l'on reviens tout doucement, pas à pas de peur de renverser et de se brûler. On pose le mug près de l'ordinateur en attendant une réaction...C'est très bon, s'entend-on dire, un vrai régal, même si c'est dit avec une légère grimace.

En fait au lieu de préparer un vrai café, il se peut qu'on ait voulu préparer une boisson lyophilisée avec de l'eau et du chocolat en poudre!!!

On ne peut être maître avant d'être apprenti!

E=mc2

Viens donc boire...(part3)

 

-"Alors? qui m'dit en arvénant à l'attaque. Quo que vous in pinsez de ch't'affaire là?"

- "Bin ch'est fin bin tout cha "qu'j'y dis,"mais j'chupposse qui faut aquatter chés dojettes espécialles et qu'cha dos pon etes bon marqué!"

-"Oh mais cha fait à peine 20 chintièmes d'éro, ch'est tout d'même point la mer à boire! In pusse, in ch'momint, vos povez profiter de l'promotion", qui dit ,y'avot vraimint réponse à toute!" Cent chinquante éro moinsse chinquante éro, cha à peine cent éro pou l'pu bio modèle, à peine pu quer que ch'ti din d'sous".

-"Mouais, mais pis cor", qu'j'y dis," Mi, y'a un truc qui m'chiffonne tout d'même. Quind vous invitotent des gins ou de l'famile à vous baraque, commint qu'cha s'passe?"

-"Commint cha?"

-"Et beh, tertous y-font-y l'queue avec leu tasse et leu dojettes à leu mains, devint l'machine,pou etes servis?

Z'imaginez un peu l'tableau?

A vire es tiête, y'étot point charmé. Y m'in armis inne louche d'sus l'rapidité de ch'l'engin et sûremint qui y'avot qu' mi pou pas trouver cha formidappe!

-"Vos avez bio dire, pour mi ch'est du gadget!" eq j'y dis.

Alors là ch'étot l'coup d'grâce, et vous laich'rai busier à s'dernière répartie :

-"Mais infin, ch'est pas possippe, un gadget ch'est quecosse qu'in peut s'in passer!"

Grain

Viens donc boire...(part 2)

Pindint qu'jétos là, donc in trin d'boire ech café (chétot pas vraimint de l'cherloute, mais y'avot comme un goût d'arpassure quind même), ej busios à tout ch'qui faudrot canger si j'acatero un brun parel.

Déjà intre nous el désign ed l'apparel y'avot

gramint à vire avec Goldorak, ch'étot pas propice à l'inmarjol'mint. Mais ch'l'homme y'avot armi chinque sous din l'juxe-boxe et bin parti, y m'dit:

-"Alors, quo qu'vous in dites? ch'est rutemint bin hein? Et pis ch'est simpe comme bonjour, même min tiot d'chinq ans y s'fait li-même sin chocolat !"

J'avouro qu'là, y'a pon à dire, je m'sus sinti d'humeur pizinque. J'imagino d'jà ch'pov tiot, tous les matins quère es dosette à cote barre, mette cha dins ch'robot et boire sin bol in tête à tête avec s'guiffe arflétée par ch'l'inox, même pas un bonjour!

-"Mouais" alors que j'dis.

-"Commint cha mouais?"

Ch'est qu'y l'défindot s'machine,fallot vire. N'impêche mi j'étos bin décidée à cacher après tous chés défauts, à faire em pizinque quoi!

Mouture

Viens donc boire inne goutte ét jus...numérique!

Y 'in arrife des drôle des fos os savez...

Y'a des jours comme cha du qu'in est amnés à vife des momints qui sortent ed l'ordinaire.

Pas pu tard qu'ed taleur, in allant a mon d'un vindeu d'toutes sortes d'électro ménager (que ch' té dirot meume pas l'nom, ça s'rot de l'réclame) v'la -t-y pas qu'in grind dépindu d'andoulle qui m'aborte pou em proposer in tiot divertssimint liquite, ch'ta dire inne goutte ed jus, ultra moderne aveuc inne toute neuffe machine.

-"ch'est vraimint nouviau,qui m'dit, cha fait même el thé, pis cor el chocolat" vas-t-in vires!

(déjà là, je m'méfie un tiot peu, mais jé laiche vénir)..."Ch'est la pointe du progrès, faut jusse aquatter chés dosettes pou mette et dins, et d'sus l'dosette, y'a là in cote barre qui communique avec el chervelle de l'machine pou y dire quo qu'elle dot faire".

Alors y met ch'truc et dins, l'iau a s'met à cauffer, cha tchiiiitt et tadam....vlà tin kawa, mais ch'est point toute...après t'intinds qu'cha fait tchouk tchouk, et là qui m'dit ch'raconteu d'carabistoulle "ch'est que l'machine elle s'nettoie d'elle-m^me, comme cha t'es peu insuite faire quère du chocolat, y n'aura point l'goût d'jus qui viens  d'passer!!!"

Ch'est dinque nan?

El tasse el étot prête. un dojette ed chuque pu long, inne touillette, purée ch'est caud!

N'impêche eq là qu'j'a bu min premier Kawa numérique!

Inne tasse?