Croquemitaine

-"Attintion à ti, si t'es pas sache j'va appeller Marie Groëtte et pis té vas vir, elle va v'nir ét'quer! "

Quind t'es tout tiot et qu' t'intind cha, normalemint té drisse à t'maronne, té comprind qu'là t'as putôt intérêt à ténir à carreau. Autremint y va t'arriver des bricoles!!!

Pis d'abord qui ch'est cheule lal, Mariegroette? Té connos ti ?Té sais à quo qu'elle arsinne?

Rin qu' d'y busier té t'dis quind même qu'al dot pas être farce. Et té resse là comme deux ronds d'flan à t'deminder quo qui va s'passer mais té fais mine dé rien in espérant qu'in t' léche trinquille avec cha.

-"Té veux pas m'croire in dirot et ravisse là-bas és queue al dépasse !"qu'in t' dit.

Ah té croyot êtes débarrassé... Ben sûr quind té t'artournes pour arbeiller vla ti pas qu'elle est djà sauvée et té t'dis qu' ch'est tint mieux que p'têt elle est partie vir ed zotes!