Au bord dé l'iau
Ne t'pinches pas trop
éne fais pas l'sot ni l'imprudent
Min bel éfant
Car y'a là eune chorchelle
Qu'al hante el rivière
In dit qu'al s'appelle Marie Groëtte
Té m'cros pas pétête?
Et ben t'as qu'à aller vir
Al nuit tombée, té l'intindras rire
Mais au bord dé l'iau
N'avinches pas trop
Avec ses noirs cotrons et caracot
Din ché racines, elle va s'mucher
Din l'herpe qui guinche au gré des flots
Ché là qu'elle va t'surquer
Et si té laiche faire
Elle va v'nir ét quère
Sin long voile blanc t'intortilera
Et là ché sûr, elle t'attrap'ra!!!
Aucun commentaire:
Enregistrer un commentaire