Ouais mais, ch'est pas l'tout, y fallot l'quarrier ch'carbon !
J'ch'sais pas commint y z'ont fait, mais y z'ont du cacher un momint pour eusse trouver eune carette avec des grindes reules. In appelot cha eune baladeusse. Ch'étot eune carette in bos, avec un fond plat, des ridelles, des grindes reules et des branquards pour y mette un quva ou in bidet si qu'té préfères.
Pis l'matin in s'in allot vire ch'père Papegué au long de ch'canal.
Seulemint, cha n'étot pas si près qu'cha. Y'avot bin deux à tros kilomètes à faire el long de ch'quémin de halage. Y'avot même un momint du qui fallot monter eune crincone et passer d'sus un pont, pis ardéchinde d'l'aute côté pour infin arriver a du qu'chés bacquets qu'iétotent amarrés.
Ch'étot incore des vielles péniches tout in bos, y'avot pas d'moteur. Pou les faire avincher, y fallot les saquer avec des cordes commes chés bateliers d'la Volga, ou bien i fallot les tirer avec un ou des bidets, ou incore, et chétot djà l'modernisme, chés péniches iétotent tirées par un tiot locotracteur...
(à suivre)...
2 commentaires:
Il y a de très belles photos partout sur ton blog
et mi j'arviendra lire l' suite des épisotes de ch' carbon d' chés pénichiers mais chétot donc dins quel coin ?
marie-claire
Bonjour Marie-Claire
Ch'tarmerci djà de t'visite.
Ch'est eune histoire qui s'est passée pas loin d'tin coin, chétot à Béthune, dins un quartier qui s'nomme "Catorive" (j'cros cha s'écrit comme cha), pas loin y'a donc un canal, ou y'avot, in dijot "la lave"si j'm'in rappelle bien...
Enregistrer un commentaire