Gadins

Des gamelles à vélo, in se n'a pris des rutes ! In étot in tiot peu casse cou, toudis à faire l'acrobate, du sins mains, à vouloir grimper d'sus des ingins deux fos pu grinds eq nouzotes, des fos même à tros qu'in étot. Un dsus l'barre, un dsus l'selle et pis l'ote dsus l'porte bagache. Quind in métot in route in n'in ménot pon larche, y'avot vraimint quo ed tier dins maronne! Chétot sinsationnel !!! A croire qu'in étot contints qu'inne fos ballés d'sus l'macadam. In allot braire dins les jupes ed nos mère, al nous métot du rouche. Après cha in s'artrouvot insanne pour gratter chés croutes!