Hein ouais, qu'les tiots légumes du gardin ché vraimint pas parels que l'zotes!
Ché ti qui bêche, qui bine, qui plante. Ché ti qui s'in occup tout in faisant at mote.
L'soir in rintrant de t'nouvrache, té va faite tin tiot tour. Té va vir commint qu'cha va.
Dès fos, y a l'éfant qui t'accompane. Il arrive pas toudis à soul'ver ch'gro arrosoir, mais l'a ben du plaisir!
Des fos, quind t'es tout seu, t'es t'mets là à crou-crou. Tes panions d'cul d'sus tes talons, t'es là tout bête, juste té ravises, trinquil, tes tiots légumes pousser et prinde des couleurs.
Tout artourné par el spectac, din tiète té pinses à commint qu'té vas les arringer pour qu'tous y s'régalent et s'pourlèque.
Avoue t'as ker cha, bernoter din tin gardin.
Din la vie, faut pas grind cosse pou avoir sin coeur contint...
Aucun commentaire:
Enregistrer un commentaire